सातारा जिल्ह्याला रेड अलर्ट,नागरिकांनी खबरदारी घेण्याचे प्रशासनाचे आवाहन

जिल्ह्यात मागील एक महिन्यापासून पाऊस सुरू आहे.पश्चिम भागात पावसाचा जोर कमी आहे. हवामान विभागाने दि. ८ आणि ९ जुलै रोजी सातारा जिल्ह्याला रेड अलर्टचा इशारा दिलेला आहे. या काळात मुसळधार ते अतिमुसळधार पाऊस होऊ शकतो. विशेषता करुन जिल्ह्याच्या पश्चिम भागात घाट क्षेत्रात पावसाचा जोर राहण्याचा अंदाज आहे. त्यामुळे प्रशासनानेही नागरिकांना काळजी घेण्याचे आवाहन केले आहे. काही भागात दरडी कोसळतात, झाडे पडतात. दरड प्रवण क्षेत्रात राहणाऱ्या नागरिकांनी सतर्कता बाळगावी. व स्वत:हुन सुरक्षित ठिकाणी स्थलांतरित व्हावे.मुसळधार पावसात आवश्यकता नसल्यास घराबाहेर पडू नये.नदीकाठच्या नागरिकांनी सतर्क रहावे.