जावलीसामाजिक

जिल्हाधिकाऱ्यांच्या सूचनेनुसार जावली तालुक्यातील महसूल प्रशासन यंञणा अलर्ट मोडवर

स्टार ११ महाराष्ट्र न्युज प्रतिनिधी ——

केळघर.दि.२४.इर्शाळवाडी येथील दुर्घटनेनंतर जिल्हाधिकाऱ्यांच्या सूचनेनुसार जावली तालुक्यातील महसूल प्रशासन यंञणा अलर्ट मोड असून तालुक्यातील अतिदुर्गम असणाऱ्या वेळेढेण परिसरात तहसिलदार हणमंत कोळेकर , नायब तहसिलदार प्रविण कोटकर यांनी प्रतिकूल परिस्थितीत स्वतःचा जीव धोक्यात घालून पायी चालत जाऊन दरड प्रवण क्षेत्राची पाहणी करून नागरिकांना सतर्क रहाण्याच्या सूचना दिल्या .

काल शनिवारी शासकीय सुट्टी असतानाही तहसिलदार हणमंत कोळेकर , नायब तहसीलदार प्रविण कोटकर हे दोन्ही अधिकारी नव्याने हजर झाले असतानाही मंडलाधिकारी आर . जी . वंजारी, तलाठी एन . आर . मुलाणी आणि परिसराचा अनुभव असणारे तलाठी शंकर सावंत , सरपंच ठकूजी कोकरे यांना घेऊन ही टिम सकाळीच ठोसेघर पठारावर पोहचली . तेथून पाऊस, दाट धुक्यातून चालण्यास सुरुवात केली . घनदाट जंगलातील निसरडी वाट, वाटेत लागणारे दोन – तीन ओढे , जंगली श्वापदांची भीती यावर मात करत तीन – चार तासांचा पायी प्रवास करून ही टीम वेळेढेण गावात पोहचली .

यावेळी संततधार पाऊसात चिखल तुडवत जंगलातून जात असताना कांटे (जळू ) अधिकाऱ्यांच्या पायाला चिकटले , ते वेळीच अनुभवी लोकांनी काढले, याठिकाणी वीज नाही . मोबाईल रेंज नाही . अशा परिस्थिती तेथील वरची / खालची मायणी,वेळे,वेळेढेण या चार वाड्या – वस्त्यांवर राहणाऱ्या लोकांची चर्चा करून,दरड प्रवण क्षेत्राची पाहणी करून सुरक्षेच्या दृष्टीने सूचना करण्यात आल्या . तेथील नागरिकांचे कायम स्वरूपी पुनर्वसन होणे गरजेचे आहे .

यावेळी तेथे कोणत्याही प्रकारची सोयी सुविधा नसताना प्रतिकूल परिस्थितीत राहत असलेल्या लोकांची परिस्थिती पाहून अधिकाऱ्यांचीही मने हेलावली.तर दाट धुके ,घनदाट जंगल , निसरड्या पायवाटा, वेगाने वाहणारे ओढे यातून वाट काढताना थरार अनुभव अधिकाऱ्यांनी पाहिला.

फोटो – वेळे – येथील अतिदुर्गम भागातील नागरिकांशी संवाद साधताना हणमंत कोळेकर , प्रविण कोटकर , शंकर सावंत, आर . जी . वंजारी , एन . आर . मुलाणी , ठकूजी कोकरे .

Team Star11Maharashtra

Related Articles

Back to top button
error: Content is protected !!