स्टार ११महारष्ट्र न्युज प्रतिनिधी ——-
वाई. दि. वाईहून महाबळेश्वरकडे जात असताना पसरणी घाटात बुवासाहेब मंदिराजवळ अवघड वळणावर अचानक बसचा ब्रेक फेल झाला. या बसच्या पाठीमागे दुचाकीस्वार पत्नीसह पाचगणीकडे चालला होता. ब्रेक फेल झाल्यानंतर बस पाठीमागे येत असताना चालकाने बस नियंत्रित करण्याचा प्रयत्न केला. पण बस पाठीमागे सरकल्याने पाठीमागून आलेल्या दुचाकीवर बस गेल्याने झालेल्या अपघातात दुचाकीवरील महिलेचा मृत्यू झाला. प्रीति योगेश बोधे (वय ४०, रा. पाचगणी) असे मृत झालेल्या महिलेचे नाव आहे. त्या किसन वीर कॉलेज येथे शिक्षिका होत्या. हा अपघात सायंकाळी सात वाजण्याच्या सुमारास घडला.
याबाबत घटनास्थळावरून मिळालेली माहिती अशी, वाईहून महाबळेश्वरच्या दिशेने जाणाऱ्या बसचा (क्रमांक एमएच ०६ एस ८०५४) पसरणी घाटात ब्रेक फेल झाला. चालकाच्या ही बाब लक्षात येताच चालकाने बस कंट्रोल करण्याचा प्रयत्न केला. तोपर्यंत बस नाल्याच्या दिशेने घसरली. दरम्यान,पाठीमागून येणाऱ्या दुचाकीस्वारास पाठीमागे बस येत असल्याचे समजले नाही. त्यामुळे बस खाली दुचाकी (क्रमांक एमएच ११ एयु ६०६७) सापडल्याने दुचाकीवरील दोघेही बसच्या पाठीमागील बाजूस सापडले. त्यात महिलेचा मृत्यू झाला. प्रीति योगेश बोधे (वय ४०, रा. पाचगणी) असे मृत झालेल्या महिलेचे नाव आहे.
त्या किसन वीर कॉलेज येथे शिक्षिका म्हणून कार्यरत होत्या. सायंकाळी कॉलेजला सुट्टी झाल्यामुळे त्या पतीसमवेत घरी निघाल्या होत्या. या अपघातात योगेश बोधेही जखमी झाले आहेत. या अपघातातील पती-पत्नींना तात्काळ वाई येथील खासगी वाहनाने दवाखान्यात हलवण्यात आले. मात्र, उपचारापूर्वीच महिलेचा मृत्यू झाला. हा अपघात साधारणतः सायंकाळी सात वाजण्याच्या सुमारास घडला.
अपघातात सुदैवाने बस दरीमध्ये जाता जाता बचावली. बस संरक्षक कठड्याला अडकली नसती, तर बस ४०० ते ५०० फूट खोल दरीत कोसळून मोठा अनर्थ घडला असता. बसमध्ये साधारणतः २० ते २५ प्रवाशी प्रवास करत असल्याचे समजते. ही बस महाबळेश्वर मुक्कामी जात असताना हा दुर्दैवी अपघात झाला. हा अपघात सायंकाळी सात वाजण्याच्या सुमारास घडला.
या घटनेची माहिती मिळताच वाई पोलीस ठाण्याचे पोलीस घटनास्थळी दाखल झाले. या अपघाताची नोंद रात्री उशिरापर्यंत वाई पोलिसात झालेली नव्हती.
